و فجأه الدنيا بتغير ملامحها
والقي اضاءه بتحاول
تكون خلفيه للصوره
مع خريطه للالوان
بتجبر راسي مرفوعه
وبستقبل بكل مساحه جوايا
نفس يملاني للاخر
.......
لحظه
اركز في الفراغ
عشان اجمع قصتي
اتوه جدا في حلم قديم
لروح درويش بيتوضا بنور الفجر
قلبه مسبحه م الكوك
نبضتها بذكر الله
ولون اخضر بيخفي معاه
في ضل مقام
في حضنه الروح بتتشكل جناح سارح
لفوق يعلي عن الدنيا
ويتغي بعشق الكون والملكوت
......
افوق
علي هزه ف الصوره
وشكل ضبابي للالوان
بايدي احاول امسحها
وارجع حلمي لمداره
يتوه مني
ويرجع لي
بواقع بدون ملمح
انا العايش بحلم
اني اعود مجذوب
20/09/2014
