دوَّار يا كلام دوَّار
بيقولك آه بيقولّك
هات ودنك علشان أقولك
السر ما بين اتنين
وان راح لتلاتة يذلَّك
السيسي دا واد جبَّار
على روسيا قام مندار
أمريكا عليه بتدلَّع
ع الصين واداها مسار
عندنا نهضة وتصنيع
وتاريخ سرقوه للبيع
ومصانع عايزة غيار
على روسيا اعمل تنويع
أمريكا دماغها يشط
ومعونة عليك هتنط
والجيش غايز تسليح
صواريخ ع القاعدة تفط
ودا سر يا عم في بير
واخده من بق خبير
دوَّار يا كلام دوَّار
والمجلس جاي تغيير
ما يهمَّك ولا هيهمَّكْ
ولا يوم هتغيَّر دمَّك
وشباب في الصف هيطلع
ولا جدِّي وابويا وعمَّك
بيقولك آه بيقولّك
هات ودنك علشان أقولك
السر ما بين اتنين
وان راح لتلاتة يذلَّك
