وآديلك فترة
بتحاول تعزم روحك
ع الأفراح
بالغصب
بتدور وسط
خراب الخلق
على أي ملاية
خرقة قديمة
شنطة بلاستيك
تعمل بيها
مرمـّة لقلبك
- جايز تحييك -
جايز تشتاق
ترجع بني آدم
وتصلي فروضك
تاني في جامع
من غير قسوة ...
شبح المذؤوب
اللي طلعلك
مستحلي يخربش دود الأرض
ويقلب تاني
جروح اتدفنت سابق ...
فن التأويل الطياري
من مشهد واحد
حبة بويا
في شوية قش
هيدوبوا الصبح
بطلعة شمس
يبقوا تراب
مش فارقة معاك
ترجع بني آدم
ولانتش باقي
ولا مستنظر
تتشفى بـ ريحة
اللي اتعفن .
