قطر الصعيد بطّال ... يا غربتي عَنْكِ
كفْي قليل المال ... يا غربتي فيكي
الضحك فلب عيال ... والحزن من سِنْكِ
زحمة بشر منِْكِ ... ماليه أراضيكي
بالذمة يرضيكي
عيّل ينام عريان ... والنومة فـ الشارع
قطر الصعيد عطلان ... والفحم مش والع
واقف علي القضبان ... لا هو جاي ولا رايح
الغربة بـ الألوان ... ولا فيها لون واضح
والفرقة بنت زمان ... والجرح ليه صابح
إتأخّر كتير القطر ... وعطّل الساعة
مهر الفقير الصبر .. والأخرة جمّاعة
لكل حد كتاب ... يقرآه علي المخاليق ... ويقول فـ أسراره
نفسي ألآقي جواب ... تفسي ألآقي طريق ... بيفيض بأنوآره
أنا كُنت ليه أصلاً ... هُوّ أنا ... أنا فعلاً
وآلّا وجودي خيال ... بتأكده مِنّكِ ... وألاقيني فـ عنيكي
قطر الصعيد بطّال ... يا غربتي عَنّكِ ... يا غربتي قيكي
