(( يلا نفسى ))
=========
ليه الناس
اللى بحبهم
وتملى بشيل
أنا همهم
بيحبوا دايما
يجرحونى
ولا مره حسوا
بخوفى عليهم
وبيكسروا
قلبى انا بإيديهم
ولا عرفوا مره
يفهمونى
عِشت دايماً
طول حياتى
مفكرتش
يوم فى حالى
علشان أشوف
أهلى وإخواتى
صورتهم دايما
فى العالى
خلوا حياتى
ماليها الويل
خلونى أبكى
صُبح وليل
تعبت ياناس
أنا م الهموم
خلاص مبقاش
أنا فيا حيل
إستحملت
ياما عذاب
وكُنت كتير
بصعب على
نفسى
يا خسارة خوفى
على الأحباب
كله بيقول
يلا نفسى
زودوا جوايا
الأحزان
وضيعوا منى
الفرحه كمان
ياترى خوفى
عليهم حق
ولا انا كده
ياناس غلطان
إتأكدت
إن انا مخدوع
فى حب اللى
من لحمى ودمى
لحد إمتى
هعيش موجوع
وأعيش محدش
يشيل همى
بس انا
مش ندمان
على حبى
ولا زعلان
على همى
وغُلبى
اللى مزعلنى
من حبايبى
إنهم سبب
كسرة قلبى.
