بشوفك | حسام طه

بشوفك ...

بشوفك لسه ف هتافي ..
كتافك ساندة ل كتافي ...
يا غنوة حلمنا الصافي ..
أسرتي الكل بحروفك ..

بشوفك ثابتة ف مكانك ..
عنيكي لسه فيها دموع ..
لكنك عارفة ومآمنة ..
بان الدمع دا صواعق ..
هتتغلب علي الظالم ..
وتدي الحق للمظلوم ..

بشوفك ويا نور الفجر ..
بتتسابقي مع النسمة ..
بتبتسمي لرصاص الغدر ..
وبتصحي الأمل لسه ..
بهمسك قامت الكلمة ..
عشان تتوضا ف كفوفك ..

بشوفك ويا كل نهار ..
أبية وحرة م الأحرار ..
فراشة جناحها كان قادر ..
يطير ويعدي اي حصار ..

بشوفك لسه ف منامي ..
عروسة بطرحة أدامي ..
قرارك عمره ما استني ..
وكان حرية أو جنة ..
يا بخت الجنة بوصولك ..
هتفرح لما هتشوفك

إعلان