محوش يود البحر ف سدرى
البرد بينهشنى..
البرد بينهشنى..
مش عارف ليه وأنا شامم يود م البحر
وموّسع شعبى الهوائية
يا سلام يا نسيم الصبح فى ميامى
بيطهّر روحى وأنا ماشى أندن
وبيغسل كل عوادم مركونه ف سدرى بقالها سنين
وشديدنى حنين لصحابى اللى سيبهم ع القهوه امبارح
ومتدفى بأنفسهم ف الندوه
لكن ساكنين الروح والننى..
....
الواد حسنى منصور الشاعر أبو قلب يساع الكون
حواديتنا بقالها سنين مشدوده بحلم قديم
مكتوبه بالحبر السرى على جدار القلب
ياسلام يا صادق يا أمين دا شيطان الشعر بيسلمك مفتاح أسراره
فبتبهرنا بنصوص مجنونه
لشاعر ما بيعرفش حدود للصورة
بتسلمنى لرافت رشوان اللى بينكش فى ذاكرتى
من أيام الشقه بتاعة شبرا ..
وحنينا للأيام الصعبه
وصديقى محمود عبد الصمد اللى دايما يشاكسنى وواقف على حافة روحى وبيناغش أحلامى
والعم مبارك اللى مجمعنا ..
ومبارك خطواتنا من أيام ما كنا بنروح قصر الحرية..ومصطفى كامل.. وحزب التجمع.. والنادى النوبى
يا سلام يا صحابى على عنقود الصحبة لمّا بيتجمع
والذكريات لماّ بتتسرسب من بين صوابعنا..
عصافير مطلوقه
....
مش عارف ليه مهاجمنى البرد
وأنا لسه محوّش يود البحر ف سدرى
وحاضن أصحابى ومخبيهم فى عيونى ورمشى
وموّسع شعبى الهوائية
يا سلام يا نسيم الصبح فى ميامى
بيطهّر روحى وأنا ماشى أندن
وبيغسل كل عوادم مركونه ف سدرى بقالها سنين
وشديدنى حنين لصحابى اللى سيبهم ع القهوه امبارح
ومتدفى بأنفسهم ف الندوه
لكن ساكنين الروح والننى..
....
الواد حسنى منصور الشاعر أبو قلب يساع الكون
حواديتنا بقالها سنين مشدوده بحلم قديم
مكتوبه بالحبر السرى على جدار القلب
ياسلام يا صادق يا أمين دا شيطان الشعر بيسلمك مفتاح أسراره
فبتبهرنا بنصوص مجنونه
لشاعر ما بيعرفش حدود للصورة
بتسلمنى لرافت رشوان اللى بينكش فى ذاكرتى
من أيام الشقه بتاعة شبرا ..
وحنينا للأيام الصعبه
وصديقى محمود عبد الصمد اللى دايما يشاكسنى وواقف على حافة روحى وبيناغش أحلامى
والعم مبارك اللى مجمعنا ..
ومبارك خطواتنا من أيام ما كنا بنروح قصر الحرية..ومصطفى كامل.. وحزب التجمع.. والنادى النوبى
يا سلام يا صحابى على عنقود الصحبة لمّا بيتجمع
والذكريات لماّ بتتسرسب من بين صوابعنا..
عصافير مطلوقه
....
مش عارف ليه مهاجمنى البرد
وأنا لسه محوّش يود البحر ف سدرى
وحاضن أصحابى ومخبيهم فى عيونى ورمشى
