و لا حتى مين يبقى الولي ؟
و لا حتى إمتى الخوف في مرة
يغير و يصنع معجزات ؟
معرفش مين اللي اعتلى
ع العرش
أو مين اللي مات ؟
كل اللي فات أنا معرفوش
حتى اللي جاي
مش ناوي أحاول و أعرفه ...
مش ناوي حتى ف مره
إن أستلطفه
ف متسأليش
مين اللي خاين يا بهية ؟
و مين جدع ؟
مين إللي دافع عن حياتك ؟
مين ركع ؟
و متسأليش ...
لأني ف نهاية سؤالك
مش هجاوب غير سكوت
و إزاي أجاوبك يا صبية
و اللسان مرغم يموت ؟!
صدقيني ...
معرفش حتى
هو إيه معنى الوطن ؟
معرفش مين خاين يا طيبه
و مين في أرضك يؤتمن ؟
معرفش فين تمن الرغيف ؟
معرفش فين يبقى السكن ؟
كل اللي قادر أعرفه ...
حجم المذله
و إن الفساد
راح يبقى فيكي يا طيبه
مبدأ و مله
و أعرف كمان إنك يا طيبه
رهن طيش الأغبيا
و أعرف كمان دمي الرخيص
مع إن أنا
