جبين عربى
بيتمرمغ ف قلب الوحل
بلاد الهم .. اللي متسطر عليها الدم
حروف غزة ...
وتاج العزة يتمرمط ف ذل القهر
يفوت الدهر
على الوطن اللي بات مذلول
وهافضل أقول
هاكون مسئول
منيش لاقى كلام يتقال
وليه نفضل على ده الحال
وتصرخ غزة ف الغمة
ماعادش علينا نستنى
ونتفرج على جراحها
ومين باعنا ومين باعها
خنوع أمة ..
ومنبعها ما كانش خضوع
وليه الناس تموت م الجوع
وليه ممنوع .. ؟
تعدى ايامنا من غير بوح
وليه مسموح
بموت أطفال ..
بنات ...
وشيوخ !!
وليه فجأة بقينا مسوخ !؟
وناتج ضربنا فينا ..
يكون إن العزول يفرح
من جديد فينا
وناتج ضرب غزة يكون
وطن تايه
وطن عدمان
وطن لكن
