انا صوره باهته مرسومه باوهام
خرجت حزينه من كتر الصراع مع البكي
انا حاجه عايشه بتعد في الايام
انا ابرد من دش ساقع بيكون في عز الشتاء
اشبه تلجايه دايبه في كفوف العاشقين
حاجه غاويه الترحال بين الشوارع والميادين
كام الف مره حلفت وكنت كداب في اليمين
اني هقدر اضحك وهنتصر ع البكي مهما كانت المعركه
انا توهه جوه توهه جوه الف طريق سد
انا ايد عايشه تحلم باي ايد تتمد
انا حيره جوه حيره جوه خوف من اي وعد
انا سؤال معروف اجابته لكن في الحقيقه مالوش رد
انا انتي وانتي حضني وعيون بتبكي علي الخد
انا طريق نفسه يقرب ويبعد بيكي عن اي بعد
انا عين بتبص في الساعه وعقارب واقفه مش عايزه تعد
انا روح ساكناها روحك وانا روحي يا دوب ع القد
