قـصِّة كـفاح
=======
صوت الندا ..
كان من هنا
عندي أنا
من طور سيناء ...
كان اللقاء / بين السما والأرض
صوت السما :
إسمعني ياإنسان
طاعتي عليك الفرض
إبني / وعمـَّـر وابتدي ..
كل السعاده والهـَنـَا
السعي ليك
والرزق دايماً عندنا ...
حق تلاقيه
لاحيله فيــه
ولافذلكه أو شرط
*****
من مصر كان النـِـدا
أما الطمع / كان م العـِـدا
هكسوس / تتار ...
الكل فيها وانهزم
شعبك يامصر أصيل
يبني المحال / ويزيل جبـال ..
لو يوم لـّـزّم
*****
يوم لانكسار / الكل ثار
شدوا الحزام ...
من جيش وشرطه وشعب
الكل بالنصر التزم
وف بدر كان اللــُـقا
جيش بالصيام ارتوى
والشمس إيدُه مشقشقه
جامع كنيسه بيـبـتـــدوا ..
تكبيرة الإحــــــرام
ينـــووا صلاة الإنتصار
*****
كان الوضوء بالدم
يغسل ف عاري ويبــتــدي ..
يمسح دمــوع الأم ..
أم الشهيـــــــــــد
راح اقول واعيــــــــد
والنصر عيــــــــــــــــد
وبيــبــتــــدي عـصري الجـــــــديـد ...
تطهيــــر قناه
تعميـــــر سيـنــاء
إنشـاء مصانع / طبــطبــه ..
على كل حبـِّـة رمل
سيــنا زفافها بيــبــتـــدي
وبتــبــتـــدي في الحمل
والسفاحين من كل نوع ...
يتــرعبــوا م الموضــوع
فيحـطوا في راس الأصيـــله النــمل !
*****
ربـَّـك عليـــــــــــم
لما اللئـــيم انكشــف ..
جانا صلاح الديــن
والشعب حبــُّه وأيـِّـدُه
قال المَـثــَل : كل اللي حبـُّـه ربنا ..
كل الخلايق تسعده
*****
بنــقول كلام ينــعاز
جيــشك يامصر فولاذ
وف حرب لاسـتـنـزاف ..
هوَّ اللي ضحى وفاز
يوم 6 أكتــوبر ..
مين اللي عـدَّى وشاف ؟!
لما الأُســـود تنــتــفـض ..
كل القرود بتخاف
*****
شعبـِك يامصر أصيـل
ولشرطـته التـقـدير
ياللي تقول إيه السبـب ..
آدي السبـب ..
من يوم ماقاومت لاحتلال ..
تقديرها صـار واجب
أما ميزان القـَـضَـــا ..
يعجب ويـتـعاجـب
أصل الميزان اتـعــدل ..
م القاضي للحاجب .....
مصر العظيمه بتـبـتــدي ..
شريـان حيــــاه للبَــشـَــر
إسمع وشوف نور الحيــــاه ...
لو للحـيــــاه حابـِـب
*****
قـصِّة كـفاح
قائد وجيش ..
مع شـعب يهزم مـِحـْـنـِـتـه
وبسرعه يحضن شرطـته
صنعوا سفـينــة نوح
أما الفيــــــــران ...
تتغاظ كتـيــــر وتـْـــنـــُـوح !
*****
إشهـد وقول ياتاريخ :
شــط الحياه للبـشـــر ..
أصبح بـســـاط انـتــشر ..
مابـيـن شمال وجنــوب
مصر العـظـيـــمه بتكـتـب التواريخ
يــوم 6 أُغـُـــسطس / ألفيــن خـمـســتاشــر ..
شريـان حيـــــــاه وبـْـيـُـفـْـتـَــتـَــح
وبــيــبـتــــدي التفريخ ...
