و فضلت أصارع لإحتضار و أسطر الباقي من الحكاية محتار ما بين النار و نار و الكل مستني النهاية.. لا حد مد ايده يساعد ولا حد همه غير همه باعوك و الكل بقى باعد مع إن دمك هو دمه.. انت اللي كنت زمان أيوب شايل وجع ميتحملش ترسم ملامحك بسمة يَدوب تخفي المرار ولا تبتسمش.. هتجيب منين الابتسامة و انت حالك كله هالِك؟؟ قهر الزمن أكبر علامة و الخوف طريقه مش سالك.. معدتش تقدر تغامر نفسك و العند عاشش فى قلب ناسك ولا قادر تخلص من يأسك فيقاسمك باقي أنفاسك..
