كراسى خشب
الكراسى
اللى تعبت م القعده على القهوه
بتتسحب بهدوء
وتدخل مخزن النسيان
الكراسى
اللى فرحت زمان
وهى نازله من العربيه الكارو
ونزلت تجرى على الرصيف
فرحانه
بالشمس والشجر
والعصافير اللى بتقف على حافتها
وحنية نقط الغسيل
اللى بيرفرف فى البلكونات
وقعدت ع الرصيف تراقب ضحك بنات المدارس
اللى بيعدوا قصادها
الكراسى
اللى سابوها الناس فى عز البرد
وجريوا
يتداروا من المطره
وهى بتبص لهم بنظره حزينه
وهما واقفين ورا الازاز
الكراسى اللى عاشت عمر طويل
وكانت شاهد على احداث كبرى
وثورات
وسمعت كلام مهم جدا
فى السياسه والفن والاحلام
وسمعت قصايد شعر جميله
وشعر ردىء وكلام تافه
الكراسى
اللى اتأثرت بالحكايات الحزينه اللى بتتقال
وبكت فى صمت
الكراسى
اللى شافت اللحظات الاولى
لحب بيبتدى
وارتجفت وهى بتسمع لأول مره
كلمة " بحبك "
وحزنت على قصه تانيه بتنتهى
واتنين قايمين
وكل واحد ماشى فى اتجاه
الكراسى االلى اترفعت فى الهوا
وخافت تتكسر فى عركه
ماكملتش
الكراسى اللى قعدت قدام التليفزيون
تتفرج ع الماتشات
واتخضت من اصوات الناس
والكوره داخله الجون
الكراسى اللى ضحكت مع تريقة لعيبة الطاوله
وخناقاتهم
واصواتهم اللى بتملى الشارع
الكراسى
اللى بتقعد أخر الليل
فى ضلمة القهوه تتبادل حكاياتها
الكراسى اللى بتفتكرنا من لونها اللى بيتغير
تعبت خالص
وعجزت
قامت من ع القهوه
ودخلت بدروم
واتحولت لكوم خشب قديم
كل يوم بتزيد عليها الضلمه والعناكب والتراب
وقعدت مكانها
كراسى بلاستيك
مش شايله لنا
أى أثار
اللى تعبت م القعده على القهوه
بتتسحب بهدوء
وتدخل مخزن النسيان
الكراسى
اللى فرحت زمان
وهى نازله من العربيه الكارو
ونزلت تجرى على الرصيف
فرحانه
بالشمس والشجر
والعصافير اللى بتقف على حافتها
وحنية نقط الغسيل
اللى بيرفرف فى البلكونات
وقعدت ع الرصيف تراقب ضحك بنات المدارس
اللى بيعدوا قصادها
الكراسى
اللى سابوها الناس فى عز البرد
وجريوا
يتداروا من المطره
وهى بتبص لهم بنظره حزينه
وهما واقفين ورا الازاز
الكراسى اللى عاشت عمر طويل
وكانت شاهد على احداث كبرى
وثورات
وسمعت كلام مهم جدا
فى السياسه والفن والاحلام
وسمعت قصايد شعر جميله
وشعر ردىء وكلام تافه
الكراسى
اللى اتأثرت بالحكايات الحزينه اللى بتتقال
وبكت فى صمت
الكراسى
اللى شافت اللحظات الاولى
لحب بيبتدى
وارتجفت وهى بتسمع لأول مره
كلمة " بحبك "
وحزنت على قصه تانيه بتنتهى
واتنين قايمين
وكل واحد ماشى فى اتجاه
الكراسى االلى اترفعت فى الهوا
وخافت تتكسر فى عركه
ماكملتش
الكراسى اللى قعدت قدام التليفزيون
تتفرج ع الماتشات
واتخضت من اصوات الناس
والكوره داخله الجون
الكراسى اللى ضحكت مع تريقة لعيبة الطاوله
وخناقاتهم
واصواتهم اللى بتملى الشارع
الكراسى
اللى بتقعد أخر الليل
فى ضلمة القهوه تتبادل حكاياتها
الكراسى اللى بتفتكرنا من لونها اللى بيتغير
تعبت خالص
وعجزت
قامت من ع القهوه
ودخلت بدروم
واتحولت لكوم خشب قديم
كل يوم بتزيد عليها الضلمه والعناكب والتراب
وقعدت مكانها
كراسى بلاستيك
مش شايله لنا
أى أثار
من ديوان كانافاه
دار العين 2015
دار العين 2015
