أو ...
===
إخنقي الأشواق ف قلبي اوعاكي مره تقربي
بتجيني طيف !
وأحس زيف ..
ساكنك وتجري وتهربي !
ماانا ياما قلت : انا مش ملاك ...
إنسان ضعيــــــف
فلبهُ رهيـف
ألاقيكي عاشقه ركوب لقلبي تجربي !!
لأه اسمعي ..
لو توجعي ..
فبلاش لقلبي ترجعي
لاانا أفلاطون ..
ولاحتى قيس
عاوزاني اعيش لك واعشقك ..
على سطر فيس !!!
الحب عندي شعاع يدفي وننتعش
مش برد ييجي نستخبى ونرتعش
*****
من قلب صادق انادي ليكي :
ياملاك ...
دفيني واوعي تعشقي لقلبي الهلاك
يمكن يكون قلبي الـصـُـغيـَّـر في الهوى ..
بيــدوب ومــوووووت
لكنه كاره للمذلـَّه ، وللسكوت
واما بيعشق ينتفض وبكل شوق ...
عاشق الشروق ..
أحضان بتنسج عشقنا
إنتِ وانا
وبدون حدوووووووود
فياتعشقيه وبجد أو ..
حالاً بتجري وتهربي
