قميصكْ فينهُ يا يوسف !؟
عشان يحىِّ الأمل تانى
و يشفى عينيه
من تانى
يفرَّح قلبك الحيران
ما بين البير
و بين السجن والسجان..
.
ظلام عشش
وكره وحزن
مرسومين على الحيطان ..
فيكتب يوسف الصديق : جرافيتى
...........................................يغور السجن والسجان
..
قميصك فين؟
عشان نفرح
و تفرح زينا تانى
و تفرض حلمك المرسل على كل البشر كالنور
و تملى الأوعية بالقمح
و يا العدل والمساواة
..
قميصك فين .....؟
ودمك ده اللى متفرق
ما بين الديب
و بين مخاليق بيتأمروا
على ظلمك
فمرة يلطخوه بالدم
و مره يمزقوه لجلن تقع فى بير من الفتنة
و مره يدوب من الحكمة
ومالظلمة اللى بتلفه
ومرة فمــــــــــــــــــرة
قلوب الخلق.. كل الخلق بتشوفه .. وبتشفه..
.
يادوب أنساكى يا ضلمة
عشان أفتح بقا للنور
وأمد ما بينى وما بين الديابه ..السور
وتسقط كل أسوارك
بعزم وقوة الصرخة
جــــــــــــــــــــــــــــــــــرافيتى
..............................................ويسقط كل من تاجر
..............................................ويسقط كل من خون
هات التاريخ من الأول
ودوّن انى :
............. يوسف الصديق
قميصى ستار من الكعبه
وروحى بريق
تشوفه حتى لو أعمى
.
أنا يوسف
ححارب كل ديب فيكى
وأداوى كل جرح جديد .........وجرح قديم ......................وجرح عنيد
..
دا أنا يوسف
و أنا الصديق
