(واحد تالت )
عايش تايه بين اتنين
واحد حاضر واحد غايب
واحد صابرواحد دايب
واحد ساذج
واحد فاهم ايه بيدور
واحد بيخاف م الضلمه
واحد يكره شكل النور
واحد طيب
واحد تانى غضبه قريب
واحد حابب كل الناس
واحد فاقد للإحساس
واحد واقف ويا الحق
واخد خايف يرفع صوته ويقول لأ
واحد عمره ماخاف من حد
واحد يهرب وقت الجد
واحد استاذ فى التخطيط
واحد عامل نفسه عبيط
واحد عايش زى الناس
زى حروف كلها معوجة
واحد عايش غير الناس
يكره يمشى ويا الموجة
واحد تايه بين اتنين
فكر مرة يسأل نفسه هو مين !!
ردت قالت واحد تالت غير الاتنين .
