محمد عبد الصابر
بتطلع الشمس البريئة م الشروق
وأنا شمسي أسفل رمشك الجارح
والشمس تبدأ يوم جديد للكون
وأنا يومي دايما يبدأ امبارح
المستحيل انتي
والممكنات كلها
كل الحاجات قلتها
وسدّيت ضرايبها
كل الحبايب هنا
قابلت حبايبها
كل الحبايب هناك
وصلت وشربت شاي
كل الحبايب تطول
خط النهاية اللاي
بطيئة يا روحي
وبطيئة يا محنتي
بان ف الكلام علتي
والصبر مستني
فارد عبايته هناك
هوه اللي عطَّلني
وكاتب على الشباك
"بتغيب وبستناك"
