هالة فتحي
في الحكايه حاجه حلوه
رغم احداثها الحزينه
في الحكايه
عشق مش محسوب علينا
قصه غير كل القصص
حب منزوع الفرص
بعد بيقوى الحكايه
قرب ... كل ما زاد .. نقص
نظره فضلت نظره أولى
و ابتسام ما بقاش ميعاد
رمش مش قد البطوله
قلب مش حمل البعاد
ابتدينا من النهايه
و انتهينا من البدايه
شاور الحب ل طريقنا
بس ما دخلش الحكايه
ع الحدود ماشيين ب خوف
و الكلام مشتاق حروف
و الايدين ممدوده .. لكن
الشقوق ماليه الكفوف
باعترف
ما اقدرش أنكر
الغرام محتاج لقوه
بس رغم الضعف أكتر
في الحكايه ... حاجه ... حلوه
