محمود رأفت
أنا حالى يشبه حال كتير من القلوب المؤمنه
إن المحبه غالبا يصحبها حبة عكننه
وانى أنا صياد مراكب بالورق من بحر شوق
برقوق بيشنق لذته ويمدها لبرقوقه عايقه
كترت دموع قلبى الشراقى المرتوى بالنار صغير
وانا اللى عايش قصتى فى نهار قصير..ليل طويل
انا عودى أصبح منكسر يا دمعتى الرافضه النزول
قلبى اللى كان يرقص يوماتى ع الأمل والارتياح
كل الهنا مقدور له إنه ينطوى حتما يزول
مشنوق بشوقه ولهفته وحكايته يحكيها البراح
إحترت..أقدم خطوتى؟
ولا ألم المشى لعيونك فى قلبى والجّمه؟
الموت بيحكم مملكه من تعبيرات
حبة صور وارواح بتخنق حلمها وتكمكمه!
