الناى محلق ف الفضا
ف بيعزفك
يرسم ملامحك كلها بالذات
باللى انت اسمك (فضفضه)
نطفه.. ف مرحلة تكوين
وبتقطع المسافات
اسمحلى اخطى واطمنك
وادخل لواحة غربتك
فالضم ضلوعى بسرسبات الروح
تشهق ضلوعك ... تبتسم
تحكيلنا ف التفاصيل
كصبيه بفيونكات
وبتسرق اللذات
تبدر حنانها من جناين طلتك
ياللى انت اسمك روح
وشوشت بيك الودع
انا ريقى اصبح حطب
ومقسماه ع الوجع
ياطيفك المنقوش
كالبذره لسه فى الورق
""فنفخنا فيه من روحنا""
هذا الجنين لما اتخلق
سموا وصلوا وكبروا ف ودنه
هذا عشيقى اللى سكن روحى وسرق
ياااحلم عابر للسبيل
ح ارمى بروحى ف حضرتك
فاحضن اوى
حضن البنيه يتوهك
