أحمد الخدرجي
صباح الورد
يا روح مَرمِيَّه ف الشارع ف عِز البرد
أنا آسف مانِش قادر أكون الصُبــــح
و لا قادر أكون شجره ف أوان الطَرْح
و لا عارف أشيل الضلمه من عيني
و لا قادِر أهـــــــــز الفجر ف سريرُه
عشان يصحــى لصلاة الفَـــــــرض
صباح النور
يا حُرِّيَّه محاوطاني بسور ورا سـور
يا قاعده بتشربي شايِّك
و فارده سلكِك الشايِّـك
ف قلبي و ف عيونــــي جســـور
أنا آسف مانِش قادر أكون الصُبــــح
و لا قادر أكون شجره ف أوان الطَرْح
و لا عارف أشيل الضلمه من عيني
و لا قادِر أهـــــــــز الفجر ف سريرُه
عشان يصحــى لصلاة الفَـــــــرض
