ورده بيضــــــــــا .....
هالة فتحي
يحكى ان :
عصفور عشق الورده البيضا
كات احلامه جميله عريضه
كل نهاره ما بين اغصانها
اما الليل يحضن اقدامها
و يطمنها ما هي وحـــيده
يوم ورا يوم الورده اتضايقت
كان حلمها اكبر من طــــير
احاسيسه الغلبانه اترفضت
كان مسكين و جناحه قصير
يوم ندهت له و كات مكاره
و افتكرت ف القسوه شطاره
قالت ذنبي ف ورقي الابيض
و انا للاحمر نفسي اتحـــول
رغم انا قلبي بحبك ينبض
لازم اكون حمرا ف الاول
العصفور لمعت دمعاته
يفدي حبيبته بكل حياته
و مافكرش كتير و استقوى
بالسكينه ما بين جناحاته
سال الدم الاحمر غالي
طار ف العالي
فوق ورقات الورده حبيبته
جت حــــباته
و اتلونت الورده بـ دمــــه
لونها الاحمر حقق حلمـــــه
اصبح علم الحلم الغالي
بس الموت ... ما استناش علمه
مات الطير من بعد ما ضحى
مات من غير ما يدوق الفرحه
اما الورده البيضا الحمرا
قضت عمـر طويــــــــــــل من بعده
دمع و حسره
اتعودنا نبــيع و بنخســــر
غالي رخيص علشان متوفـــــر
ما احنا تمللي بنبكي و نــــندم
أوي متأخر
.
.
