الربابة
أحمد عثمان
الربابة
صبى الربابة النبى للعاشقين تِماً
وتره اليتيم اتشد
صوت الربابة فى غنوته للـ طَلْ
كان بيشهد للعواجز إنه ميهموش يعيش
والنفس الطالع من وتره
كان بيلاعب كل بنات الدنيا
و يسلم على احزان البت الشاربه مرار نضارته
ويبص لاخر مرة ف جيبه
فيبيع الاحزان ع النوتة
ويشد البت اياها فى غنوة ف تفرح
و ف نفس اللحظة التانجو يباعد بينها وبينه
على نفس رصيف البت اللى بيبعد عنها
بتشق عنيهم ف الملكوت
سرداب اوتار
لجل إن يخاوى الوتر م الخوف
زَعَق الصبى
لو هتلعب ع الربابة
يبقى واجب ترتعش
وعيون الناس اللى متابعاك تقلب أوتار
صبى الربابة احتار ,طبطب على ضلوعهم
ف اتفتحت للشوف
أعمى ووتره دليل
اطرش بغنيله
صَمَم الودع قناديل
وانا مين يغنيلى
صبى الربابة مال
حنيته بصراطى
مش للدعا
للكيد
لكن عشان غنوته على لحن برانى
سمع الكلام الوتر
مشانى جوا الحيط
صبى الربابة عشِق
ف قسيت على كتفى
حبيت أشوف إنما
حب الولد
طبيت
