ليالي الشمال الحزينة
ياسمين الشاذلي
بين اعتزال الجرح والتوبة
شبه مؤلم
خيوط دايبة في ايدين جراح
ضعيف جدا قصاد أهله
قوى خالص قصاد مشرط
بيقطع ذكريات عاشت
بحدة ونقد للمشهد
تخلي كل تفاصيلها تهون في عنيه
بيتأسف
علي الدم اللي غير كل الوانها
علي الورد اللي مات تمثاله في عيونها
بيتأسف ومستني تسامحه ازاى
غلطه في حساباته مش ذنب حد
ليه جالها جري وقالها محتاجلها
ليه لمته من سبعين ارض ودفته
ليه خلته مالك زمام الكون في لحظة
وف لحظة هو هدها
ايه اللي عابها عشان يكون الضد غالب
بين الرضا وحزنك علي كرامتك
شبه أوقات
ساعات يوجع
ساعات بيعلم الحكمة
اختاروا بعض عشان حسوا سوا الرحمة
ورحمة ربنا وسعت لكل الخلق
اكيد في البعد كان رحمة
اكيد في القرب
كان الحب شمعه تقيد باخلاصهم
وأد المشاعر
و احتضار الشمع جواهم
تعاقب للفرح والجرح
حكمة ربنا في الكون
عشان نبكي ونرجعله
عشان نرضي
عشان يكبر وينسي اى شيء غيرها
عشان تفضل تغنيله في مواويلها
عشان اطهر قلوب في الارض هماهم
نحتوا حروفهم عالطريق مسافات
خافت فيروز عليهم للي بينهم يتسكر
غنت م الخوف ليالي الشمال الحزينة.
