حكاوي الخلق
خلخال بيتهادى في رجليكي
وتوب راقص
حديت الشيخ بيتمنى يلاغيكي
دلالك روح
وريحانة
وحنه قلبها أخضر
على كفوفي بتتمخطر
وتتبختر
وتستغفر
بدون ما أعرف
لقلبي عبدك الناسك
وبين ناسك
دعاء كروان
وكام حدوتة مشبوكة على جناحي
يطير بيهم حمام الروح
منين ما يروح
يلاقيكي
يناديكي
ويتبتل على بابك
ويتمنى يكون ليكي
وتتفتح زهور الفرحة في إيديكي
عشان فيكي بيبقى الكون
وجوه الكون: أنا فيكي
■ ■ ■
24/4/2014
