- سجنوكى فى ســــــــجن مالوش قضبان
- ودم عيالك بكـــــــــفوفهم على الجدران
- فى عيـــــــنيكى حــــــــيرة دمعة كبيرة
- والخوف من السَجّان...سلطان
-
- سقط قناعك بيعى اللى باعك وقبض تمنك من الفيران
- سقط قناعك ..سقط قناع الخوف أبنى قناع للعصيان
- الحلم مليك مطرود من بير فــــــــــاض بالأكفان
- أصرخى بأعلى صوتك اطلبى حق إنســــــــــان
-
- قطعوا وريـــــــــد العدل نصبوا سيرك للطغيان
- أقــــــفى ضــــدالسجان أرفعى راية العصيان
- أطلـــــبى حق السنــــين كــــسرى قيود الزمان
-
- فكريهم بالامجاد رجعى حقى اللى فات
- فكريهم بحضارة هزت عرشالاوغــــــاد
- ماتستنيش صلاح الدين يجى ينقذ البلاد
- أرفعى ايدك بنفــــــــــسك اطلبى حق الولاد
- ما تئنيش بصوت ضعيف أكسرى فيهم العناد
- ناس عفية بايعة القضية نزلوكى فى المزاد
- نقطـــــــــة رجوع مليانة دمـــــــــــوع
- دمعة أم دم ابنها غرق ضواحى والربوع
- برجول خيولهم داسوا على حلم مات مخدوع
- أنا شعبك بنادى طالب حـــــــــقى فى بلادى
-
-
- صوتى اتنبــــــــــح ومـــــــــــــــــــــات من الــــــــــجوع
- مات جعان لكلمة حق يسمعها ومايكنش تمنها عمرة مدفوع
- نزلت الميدان أصرخ انادى يمكن صوتى يكون مسموع
- كفيــــــــــانى خــــــــــــــــــضوع
- كفيانى خضوع لواحد حقيرقاعد عالكرسى مجدوع
- كفياكوا زيف على قلب طيب نًفسه من كتر الندى مقطوع
- كفيــــــــــــــــــــانى خضــــــــــوع
- كلمة فى سياسة تروح يابنى ومالـــــــــــكش رجوع
- تشوف عذاب ضــــــــرب ســــــــــب وكـــــــــــسر ضلوع
- بتقول حرية مش دى القضية بس اوعى تقولها وسط الجموع
- تتخرج عــــــــاطل ويسدوها فى وشك لو عندك فكرة مشروع
- هقول ايـــــــــــــه على قلب ضــــأع منه الخشــــــــــــــــوع
- كل همه منصب وزارة دايمــــــــــــــــــأً على الكرسى مصروع
- كدب تانى غش تانى ســــــــــــــــرقه عــــــذاب ممنوع
- نقطة رجــــــــــــــــــــوع من بعدها مافيـــــــــــــــش دموع
- على إيـــــــــــــــــدى مـصـــــــــــــــر هتــــتولد من جــــــــــديد
- هكتبلـــــــــــــــها شهادة ميـــــــــــــــلاد اسم الأب أكتب سعيد
- مستقبلهــــــــــــــــا ده فى علم ربى بس أملها دى مش بعيد
- فيهــــــــــــــــا فرحة فى عيون شبابها فى حب من نوع فريد
- فيها أتحطـــــــــــــــم جسر الخوف وأتبنى جسر الحديد
- مهما مـــــــــــــــرت عليها ظروف اهلها الايد فى الإ يد
