ياريح مخالف مركبى
ليه تغضبى ؟!!
والجرح غاير من سنين
وانا مش نبى ..!!
انا علمونى م الفطام
الخوف حرام
ذنب الجبان لايغتفر
وان الغيوم ... سر المطر
وان الأمان .... حضن الوطن !!
انا علمونى م الفطام
الدين سماح
وآدان وحى على الفلاح
انا علمونى م الفطام
معنى النضال ... طلقة وسلاح
وقلوب بتتحدى الخطر ..!!
يافلسطينية وكل يوم
بيموت جريح
مصلوب على بابك ...مسيح
يافلسطينية وكل يوم بتصدى ريح
فين إبنك المولود فصيح
ف إيديه حجر ...!!
