الشاعر الواعد | رامى سلامة
كفر الشيخ | كفر الشيخ
افتح يا باب الامل خلي العيون تضحك
سرح النجاه يكتمل والبحر مش عارفك
وكفايه عليك دعوه من قلب طفل برئ
شاف الحياه بكلمه عايش وهوا غرئ
مقدرش أشوف دمعه ولانبض قلب بطيئ
طوق النجاه نظره الطفل يبقى جرئ
السكه لسه طويله محتاجه منك صبر
إصبر تنول بكره إبعد يا فال القبر
قلب البرئ موجوع
مسكين قتلني الجوع
ودموعي شايله دموع
وصوتي مش مسموع
والآها مكتومه
طال السكات جوايا
لكن والله معايا
البلوه معدومه
إفتح ياباب الأمل خلي العيون تضحك
سرح النجاه يكتمل والبحرمش عارفك
وكفايه عليك نظره من أم فرحانه
رجعه ياناس بيتها في الفرحه غرقانه
كانت مهياش شايفه نور ولا ضلمه
السكه كانت سوده والضلمه ميت ضلمه
الأمل كان شعره
والنار تحتيها قايده
لكن أراد ربنا ترجع لأولادها
فتح ببان الأمل ورزقها سكتها
افتح يا باب الأمل خلي العيون تضحك
سرح النجاه يكتمل والبحر مش عارفك
وكفايه عليك تبكي
عيون شايله دموع وجع
الصبح صابح يحكي
عن اللي وجعه إتنزع
يابخت اللي طال دعوه من قلب موجوع
شارك ولو كلمه خلي الأمل مزروع
افتح ياباب الأمل خلي العيون تضحك
سرح النجاه يكتمل والبحر مش عارفك
شارك نجات طفل شايف ببان الموت
مرضه خبيث ملعون
الأجر عند الله رب الحياه والموت
والناس وجعها يهون
إلا الوجع االخبيث
خلى القلوب محابيس
خايفين من الموت وعايزينه
شايفين بكره وكرهينه
خيط الأمل مشدود
شارك عشان يقوى
خلي الأمل موجود
وكفايه عليك دعوى
افتح ياباب الأمل خلي العيون تضحك
سرح النجاه يكتمل والبحر مش عارفك
إغزل خيوط الأمل
فرح فقير بكسوه
ملكش غيرالعمل
يشفعلك يكونلك أمل
لو ساعة الحساب بكره
