الشاعرة الواعدة / مروة علاء الدين مصطفى
سيدى سالم / كفر الشيخ
غزه..أيااااااااااااااااااااااااااااغزه
شايل همومك على كتافى ومش قادر
أشيل الحمل انا وحدى منيش قادر
ورب العزه ياغزه
انا اتبهدلت ع الاخر
ثرت..... بكل مافيا
عشان بلدى وتشهدى عليه
لدرجه انى مش قادر
تشيلنى بجد رجليه
تقولى تعبت ..او اتهديت
مدى ايديكى شدينى
وسامحينى
.دانا منى على الاخر ورب البيت
فتيجى تنادى...... مش سامع
.اه بعمل انى مش سامع
مابلدى ومش قدرت طيبتى !!!!!!
هتيجى تقدرى انتى ؟ !!!!!!!!!!!
ماكان اولى من الاول تاخدنى ف حضنها حبيبتى
مصر !!
عشان لما تنادى انتى ..اجيلك شايل على كتافى
رايات النصر
ردى ياااااااااااااااغزه ..
هتبقى تقدرى دمى ؟
ورب العزه ياغزه
أجيلك حتى لو زاحف .
.واشيل همك على همى
واغير فيا كام احساس
معكر حتى لون دمى..
واقولك غزه انااااا اسف
حقيقى بجد انا اسف....
مكسوره عينى انا ف الارض
كل واحد فينا هيبه طول بعرض
بس لما تنادى يصغر ..
نادى غزه
يمكن الصرخه تصحى
نخوه جايز خايفه تظهر ..
تنكسر
يمكن مش واخدين فى بالنا ان احنا اكتر
حاولى يمكن
نفتكر ..
نادى نادى يله عادى
ولا اقولك
متناديش
متناديش عليا غير
لما ابقا اكون
أد الندا
ايوا لما شهامتى تصحى
لما اغير
لما اموت جبنى فيا
لما يظهر كل دا
مش تنادى عليا اكتر
اصل بصغر
جوا منى وبستحى
من حالى لما بتناديلى !!
وانا عادى سايبك تندهى !!
ايوه بصغر.. لما اشوف
كل يوم اطفال يتامى
ايوا لازم انى اوضح واعترف
جوايا مليون حسره وندامه
اللى راح منهم
راح بالجراح
.مش بس على بلده وولاده
لكن كمان ع الحلم العربى اللى راح
هوا دور
هوا دور ..
بس راسينا ف طابور
ان مكناش يد واحده
كل واحد فينا لازم ...
هيجيله دور
........................
