حبك غريب
يعنى عارفه
لما حد بيأسى
مره
مش بيبقا كتير قريب
ممكن جوا منى اكره حتى سيرته..ومش غريب وانتى ياااامه
كتير بتأسى
بس لما بتاسى حبك ...يجرى اسرع ف الوريد ؟!!!...دا
الغريب
حبك غريب
يعنى اوضح
مش اسيتى عليه لما.. خليتينى رخيص اوى
لو تعبت ف وسط لمه
مش هيفرق حتى دمى
رخصتى دمى كتييير اوى
دمى بينزف.. وانتى عادى مهمكيش
مش عارف ادخل اداوى جرحى عشان اعيش
خلاص حكمتى ؟!!
مفيش دخول ,,ومفيش علاج,, وانا ممعاييش
طب كنتى حتى هونى سعر الفاتوره دى غاليه نااااااااااار...........
افرضى اخرتها موته ,,هيبقا موت وخراب ديار
انا مش بهزر .. لو بهزر صدقينى هيبقا دا اسخف هزار
ارمينى ارمى وأسى عليا مترحميش
انا لو بموت مش فارقه يعنى انك تحنى
خلاص بقا كل الحنان مينسنيش
لكن اما انه بجد فعلا طبعى غريب
اصل بردو بحبك اكتر ..كل يوم اكتر واكتر
حبك غريب
يعنى أوضح
مش أسيتى عليا لما
ف عيد ميلادى ووسط لمه
جبتيلى هديه ف ايديكى
حتى يومها جريت عليكى
ولسه هاخدك جوا حضنى أوام مشيتى
مش مهم انك مشيتى
بس ليه جوا الهديه مقدمالى جواز سفر ؟!!!
وانا اللى من صغرى بغنى
يابلادى جنبك.. انا مش هسافر
اهونلى موتى من السفر
اتارينى ارخص م الرخيص عندك
رخيص اوى وهاين عليكى؟.. اطردينى
,, يله من بيتى
وهينينى
غربينى ف كل حته أوام شويه
يله خلى بلاد غريبه تزل فيه
ومش غريب
انتى مش صنتى كرامتى
قاموا بايعين القضيه
اللى يشخط واللى ينتر واللى يتامر عليه
هه قال وجيبالى هديه !!
جيبالى هديه ف ايديكى
انا ليه كدا صغير اوى قدام عنيكى
طب ليه كدا طبعى غريب
واللى اغرب انى لسه بحبك اكتر
كل يوم اكتر واكتر
حبك غريب
يعنى اوضح
مش اسيتى عليا لما
خليتينى اذاكر اسهر
غير دروس مصاريف واكتر
غير قلق اهلى عليه
وعن سؤالهم
النتيجه امته تظهر
وعن ليالى الخوف قتلنى
من سؤال اهلى اللى يقهر
جبت كام ؟
جبت درجه كتير تمام
ادخل بقا الجامعه اللى هيا ..ياسلام
طب وليه ؟؟!!!!
عشان مؤهل لما أخده اقعد اتفرج عليه
عايزه ايه ؟
احبك اكتر ؟
لا بقا دى حاجه تقهر .
ويابختها اللى
ابوها دكتور فيها جامعه م مخلصه
معيده يابا من يومها كفاياكوانفخه وغطرسه
