ربيع وخريـف
=======
أمشــــــــــــير بيلعب بيكي ليـه ؟
قلبـِـك ملاك
بس الهـلاك ..
لما الخــريـف / وقــت الربــيع ..
بيجيه ويقدر يحــتــويه !
وقت الربيع ..
قلبي يجيكي
ويناديكي : اتعلمي
فازاي بقى لحـُـكم الخريف بتسلـِّـمي ؟!
وكمان سؤال :
هوَّ الخريف بقى يعجـبـِـك ؟!
ماانتِ اللي قلتِ انـُّـه بغباوته بيرعـِـبك ...
وانـِّـك أسيره غصب عنـِّـك في المهالك
*****
قلبي اللي عـِـشقك من وريـــده ونبضته ..
صعبان عليــه منـِّـك ، وخايف تعشقي ...
إنـّـه الغريــق في بحر حبـِّـك ..
حتى لو مقتول وهالــِك
وكمان يقول :
ماتصدقيش إنـُّـه ح ينسى أو ح يسلى نبضـِـتك
قومي اسمعيه
وبحب جارف صدقي ..
إنـُّـه الدفا
إنـُّـه الوفا
وانـِّـك وريده ونبضته
ومحبـِـتـُه وقت الشتا لحافـِك وشالك .
===========
