آه ياصنايعي القلب لو تسمع
نفسي فحتة قلب لو ينفع
يضم بدني التلج ويدفيه
واجعل جداره قطيفه يجعلني
ساعة ما اميل للذنب أستفتيه
واملى جنابه كراسي للجدعان
زود خضارك قوي / ووسطن الخلجان
وانقش علي ضهره قصيدة شعر
تبدأ بذكر حبيبه لو تضحك
توهبله دقه يغير الأوزان
واعملي غيه للحمام بينوح
أمي الحزينه بتهوى تسمعهم
واصنع لابويه مركبه وحديه
تجبر بخاطره لما يستغشوا
اللي كساهم بسمه من عرقه
الغي الستاير شغل المزازيك
لون بيبانه فرح ..أه وكتر الشبابيك
سيب البراويز القديمه فنفس مطرحها
عارف هتوقع لما يتدحرج
من فوق تلال الصبر والايام
نفسي فحتة قلب لو ينفع
يضم بدني التلج ويدفيه
واجعل جداره قطيفه يجعلني
ساعة ما اميل للذنب أستفتيه
واملى جنابه كراسي للجدعان
زود خضارك قوي / ووسطن الخلجان
وانقش علي ضهره قصيدة شعر
تبدأ بذكر حبيبه لو تضحك
توهبله دقه يغير الأوزان
واعملي غيه للحمام بينوح
أمي الحزينه بتهوى تسمعهم
واصنع لابويه مركبه وحديه
تجبر بخاطره لما يستغشوا
اللي كساهم بسمه من عرقه
الغي الستاير شغل المزازيك
لون بيبانه فرح ..أه وكتر الشبابيك
سيب البراويز القديمه فنفس مطرحها
عارف هتوقع لما يتدحرج
من فوق تلال الصبر والايام
_قلبك أهو كل اللي قلته تمام
*شكرا..لكني ليه لما ابتسم بانهج
*شكرا..لكني ليه لما ابتسم بانهج
_يمكن عشان كترت فالاحلام
