إعلان

الرئيسية » » شدني | ياسمين الشاذلي

شدني | ياسمين الشاذلي

Written By Unknown on السبت، 25 يوليو 2015 | 6:09 م



شدني
احتلنى
مد ايدك
وازرع في قلبي
شجرة تطرحلك ايمان
لم اللي باقي منى
وابنيني بأمان
أنا كسر ألماظ
و الازاز ملضوم في ضيي
فرق مابين الحق والممسوخ
احنا بشر
ماحناش سيوف
تقطع وتنهي كل خط بدم.
انا كلي دم
والشوارع والبيوت غرقانة دم
المصير ..
شجرة خريف بتنتور التفاصيل
انا نفسي تحضن دمعتى ايدك
تنسج في روحي
نهر حنية وجمال
من قد ايه محتاجة تلمع خطوتك
كل الخيوط شدتنى ليه عن سكتك
لو لسة في ذرة امل
انا كلي منك
قولي يمكن .. محتمل
ترجع ضفايري من الزمان
والشيب ينور دنيتى بالضي
احمينى مرة
وعيش ساكن
في خط العرض في ضهري
صليب شايل
حنانه من المسيح الحي
احساسي أكبر من كلام الكون
أنا راضية تبقى أي شيء
بس بجنون
العقل أصبح م العدى
والرحمة بالنسبالي أكونك
أو لا نكون.
التعليقات
0 التعليقات

0 comments:

إرسال تعليق

نبذة عنا

Restaurants

يتم التشغيل بواسطة Blogger.

Travelling Diaries

Entertainment

Technology

Restaurants

Travelling

Entertainment

Technology

تسمية 4