على الحدود
-0-0-0-0-0-0-
طلع النهار والعيال نايمين
حرَّك شواشى الشجر مردوشى
نزل النهار غامق كئيب وحزين
ولسه العيال نايمين مرضيوشى
يفتحوا لو حتى نص العين
******
قلبى أنفطر على زينة الحته
مين اللى قال الحزن بالبكا والنوح
لما الطوفان يدخل حته ورا حته
مين هتنقذ فى السفينة يا نوح
وكل البشر فى الأصل مش فاهمين
******
الأرض رفضت تشرب كاسات الدم
من حزنها قعدت تزووم وتئن
قلبى أندبح واللى زاد الهم
اتنين شقايق ما حد فيهم حن
وبأسهل سهولة نرجع لبطن الطين
*****
إياك تقول الدم مش مَيًّه
لم العيال على بعض غطيهم
اللى قتل واحد يقتل كمان ميه
وذنب العيال من جنس ذنب أبوهم
يرحم زمانك يا زمن حطين
******
فى ناس تعيش تحلم بموت الكل
وناس تموت علشان يعيش واحد
هو الكفن ابيض بلون الفل
ولا الكفن لون القلوب جاحد
أحنا الغلابة كفنّا فى الإتنين
حرَّك شواشى الشجر مردوشى
نزل النهار غامق كئيب وحزين
ولسه العيال نايمين مرضيوشى
يفتحوا لو حتى نص العين
******
قلبى أنفطر على زينة الحته
مين اللى قال الحزن بالبكا والنوح
لما الطوفان يدخل حته ورا حته
مين هتنقذ فى السفينة يا نوح
وكل البشر فى الأصل مش فاهمين
******
الأرض رفضت تشرب كاسات الدم
من حزنها قعدت تزووم وتئن
قلبى أندبح واللى زاد الهم
اتنين شقايق ما حد فيهم حن
وبأسهل سهولة نرجع لبطن الطين
*****
إياك تقول الدم مش مَيًّه
لم العيال على بعض غطيهم
اللى قتل واحد يقتل كمان ميه
وذنب العيال من جنس ذنب أبوهم
يرحم زمانك يا زمن حطين
******
فى ناس تعيش تحلم بموت الكل
وناس تموت علشان يعيش واحد
هو الكفن ابيض بلون الفل
ولا الكفن لون القلوب جاحد
أحنا الغلابة كفنّا فى الإتنين
