سعيد شكري
كلب ديفد ..!!
وارد فى إتفاقات الكامب :
إن ولاد الكلب ... خلاص
إستقووا القلب ..!!
كله خلاص يركن على جنب ..!!
لما الأم " واشنطون " تؤمر
كله يطيع
قالت بيعوا .... كله يبيع
ده إحنا خلقنا المولى " قطيع "
إحنا يادوب حكام بلا شعب ..!!
يسقط كل ولاد الكامب ..!!
تسقط كل بنود العار
يسقط مبدأ لإستحمار
يسقط حكامنا التجار
إيه راح يعدل ديل الكلب ..؟!
يسقط كل ولاد الكامب ..!!
يسقط ديفيد ... يسقط كامبه
يسقط بيجن هو وكلبه
يسقط كارتر ..يسقط طرطر
يسقط حتى أوباما وشعبه
يسقط كل ولاد الكلب ..!!
