وليد الأسيوطي
أقسم بقلبك ..
أقسم بِحُبِك ...
أقسم بكل الطبيعة في عيونك ،
أقسم بدمع المحيط اللي غرق حدودك ،
يوم اما شافك ، ولا مرة طالك
أقسم بريحة عطورك
و كل الممالك
كل اللي صابهم شيء من جمالك
أقسم عشانك .. أعدي البحور ،
و أهدم جبالك ،
و أبني القصور ،
على رمش عينك
و ازرع جناين ورد و أغاني
و امسح قصايد ، و اكتبها تاني
عشان بس تنفع
تركع في حضنك
و تسجد في قلبك ...
أقسم بكل الكلام اللي قاله القمر
في عشق الحضور
في حضرة سموك
اقسم بنورك
و روعة حضورك
اقسم بقلبك
أقسم ياعمري باني ......
....
بحبك
