حامد عامر
ماتشبهيش علي قلبنا العُمله
الناس معادن والوطن مش زينا
والصدق محتاج بينه
احنا الكتير فالجيب واحنا صحاب العيب
والشِعر أرض الشيب
لمان دخلته صغير عَجزت فالجمله
هربت من حر الجنوب وعجبني جو النص
لاكتبت عن فقرا ولا مظاليم
ولا قلب اخضر كانله فيه عشم
ولا بنت واقفه وحدها فالحشر عالارزاق
بيشقني دمعها..بس التفت ألتئم
واصب عهر الابجديه فوق بدن لاوراق
وادعي معاكم في ختام المفتتح
رفعت كفي ازاي !..معرفش كيف أمنت !
تستر بيوتنا الطين..دعا المجاز مردود
والخلق مابتسترش غير عوره البيوت لاسمنت
ماتشبهيش علي قلبنا العمله
الناس معادن والوطن مش زينا
الطهر محتاج بينه
والشك صلب النسل
ساري فجوفنا الخوف من كعبنا للراس
جبن القصيد معروف
والعِرق كان دساس
