إنتى عارفة !!
أحمد عثمان
إنتى عارفه
إن لولى المعجزات
جنبك عَجَز
تلوين
ملامح ضحكتك
لما سمعتى
تراتيل غناويا القديمه
عند شجرة الجميز
ضحكتى
وقْفو كل الساعات
فـ العقارب طارو م الفرحه
وصلت الساعه ل تمانيه
والحنين رافض يغادر
رغم لون الورد الاصفر ع الشفايف
كل واحده كات مجرد ابتسامه
ضحكك انتى كان له معنى
بس خايف
إنتى عارفه
إنى بصيت النهارده
لما سير قلبك
وقف
عند شباك المحاضره
كنتى بتلمى الحكاوى
من وسط صحباتك
وتوزعي عناقيد فرح
كل التروس اتحركو
الا جرحى
لما عراه الشجن
كان حِنين
بس اخده العمر
كف
انتى كنتى
عُمر واصل
بين حنان الانبيا
وبين خيوط قلبى
و جف
انتى عارفه
ان عينك لما بتلف السحاب
بيلف قلبى وراها لف
بس كل كلامى دوت
شئ اقل من الطبيعى
الطبيعى انك انتى
شئ ملوش
ف الحب
وصف
