بعد الصلا ع الزين
يا زين من علم الشعرا
كلامك زين
وعارفك زين
كأنك كنت ف إمبارح
وبكره وبعد ميت بكره
تغازل ضحكتك روحى بحنان الأب
أنا اللى دعيت
وقلت يا رب ليل الصب ما يزورك
كأن ف قلبى باسبورك
وليل الغربه ف عيونك لا شاب ولا شب
أنا الشاب اللى علمته الدعا
والشعر والإدمان
وكان الحلم بيدق البيبان
يا عبـ كريم .. ربك كريم
هتروق وتحلى وتستقيم
ستين سنه
مرت ف أول عيد ميلاد
فاتت كأن الشعر هوا
اللى إحتفل
اه يــــا كرم
ستين سنه ف عمر الخلود
ما بيذكروش
ستين سنه ف عمر الأبوه
ما بيموتوش
اه يا كـــــرم
قلبى اتحرم من ضحكة الخايبين
وقلبى ف ضحكتك
وكأنه بيعيد الحياه
ياسيدنا ااااااااااااه
شى لله يا صاحب المقام
سألت نفسى
لما إحساسى إستقام
على قبلتك
لأنك زيــــــن .. وروحك زيــــن
يا زين من علم الشعرا
كلامك زين
