( خبر عاجل )
غزة بتولع يا أستاذ
غزة بتولع يا مدام
و اﻷستاذ راجع من شغله
صايم حران
بيحسب مرتبه
هيقضى ﻵخر الشهر
ريقه ناشف و عطشان
و المدام من المطبخ للتليفزيون
ماسكه التوم و إيد الهون
و العيال عاوزه لبس جديد
كمان يومين و يجى العيد
غزة بتولع يا أستاذ
غزة بتولع يا مدام
و إيه الجديد ؟؟؟
شعب مطحون
مصر و تونس و سوريا
اليمن و العراق و ليبيا
إضرب يا بنى صهيون
تحت التكييف قاعدين
بين المسلسل و التانى
نكتب على الفيس
عاجل خبر جانى
غزة بتولع يا أستاذ
غزة بتولع يا مدام .
بقلمى / هيثم السنوسى .
