أمي بكاها كان أدان
***********
***********
أمي اللي كانت في الشتا
بتخاف علينا من المطر
فتلفنا بشالها الكبير
ترفع إديها للسما
يا مستجيب
هون علينا
محنتك
خشب العريشة بيبتدي
ينشع على فرش الحصير
كل الحيطان رافضة البكا
بيهزها صورة العيال
المصلوبين زي العيدان
أمي بكاها كان مطر
صاعد لفوق
حتى يطل الفجر من
عقب البيبان
أمي بكاها كان أدان
سامعاه ملايكة ربنا
تسجد رموشها ع الجفون
ترفعها تاني للسما
يا مستجيب
هون علينا محنتك
تخجل خيوط الشمس
من دمع البنات
وأنا من سكات
بجري وأنشف شالها فوق
فرع الشجر
أمي ما بتخافش المطر
لكنها
بتخاف من الليل الحزين
لتميل حيطان البيت في غفلة من الزمن
ويخضنا وجع الدموع
أمي بكاها كان ركوع
للحلم ف عيون الصغار
ضي النهار
بيطل من بين الحيطان
يشبك كفوفها الملضومين
فوق مننا
فـ ألمح عنيها بتبتسم
وبيبتسم دمع العيال
لما يهل الصبح حاضن قلبهم
تجري الخطاوي ع الغيطان
تطرح وطن
وبدون حدود
فيه يتسع قلب الولاد
وأنا كل حلمي إني ألمحك
قلبك بيضحك زي النهار
من غير بكا
بتخاف علينا من المطر
فتلفنا بشالها الكبير
ترفع إديها للسما
يا مستجيب
هون علينا
محنتك
خشب العريشة بيبتدي
ينشع على فرش الحصير
كل الحيطان رافضة البكا
بيهزها صورة العيال
المصلوبين زي العيدان
أمي بكاها كان مطر
صاعد لفوق
حتى يطل الفجر من
عقب البيبان
أمي بكاها كان أدان
سامعاه ملايكة ربنا
تسجد رموشها ع الجفون
ترفعها تاني للسما
يا مستجيب
هون علينا محنتك
تخجل خيوط الشمس
من دمع البنات
وأنا من سكات
بجري وأنشف شالها فوق
فرع الشجر
أمي ما بتخافش المطر
لكنها
بتخاف من الليل الحزين
لتميل حيطان البيت في غفلة من الزمن
ويخضنا وجع الدموع
أمي بكاها كان ركوع
للحلم ف عيون الصغار
ضي النهار
بيطل من بين الحيطان
يشبك كفوفها الملضومين
فوق مننا
فـ ألمح عنيها بتبتسم
وبيبتسم دمع العيال
لما يهل الصبح حاضن قلبهم
تجري الخطاوي ع الغيطان
تطرح وطن
وبدون حدود
فيه يتسع قلب الولاد
وأنا كل حلمي إني ألمحك
قلبك بيضحك زي النهار
من غير بكا
