( بقرة وحلوب ) بقرة وحلوب للي مش عايز واللي مستغني أمّا اللي مستني طلوع الفجر من جوّا ليلك الضلمه مش لاقي فيكي اللقمه حاف داير نتّاف ونهر خيرك الفيّاض في وشه يتحوّل جفاف وكتير يبات من غير عشا مش لاقي في ضرعك لبن لو مات مش راح يلقي الكفن آه يا زمن مقلوب جايّه مع الغالب ودايسه ع المغلوب عيالنا اللي تحت كباري الفقر مرمية كيف حقها المنهوب ! حيتان الليل فاتحه العنين كاشره النيوب شرقانه لفّ ف شرق غرب شمال جنوب كابسه الجيوب سارقه الفرحة م القلوب ناهشه م البيوت الطوب والسايب دايب ف المسيوب ولا حدّش قايل فين الغالب م المغلوب ويحاول يعدل م المقلوب بقرة وحلوب !
