حواديت رمضانية
الحدوتة الثانية
.........
والسما فارده دراعتها
للقلوب العاشقة ليلك
البيوت ضحكة ملامحك
والملامح نور سبيلك
لينا فيكي ألف ذكرى
ليكي فينا كل حاجة
الليالي الحاضنة شوقك
قادرة تمحي الحزن فينا
نرتحل عنك ونبعد
نلتقيكي ف ألف مينا
اعذرينا
غصب عنا ساعات بنكره
لما تقسي وتكسرينا
غصب عنا ساعات بنكره
نظرة اليأس ف عنينا
اعذرينا
العتاب لجل المحبة
وانتي مرك ألف حبة
بس حبة واحدة تضحك
فتلاقينا
كلنا راجعين بنبكي
والحنين شابك ادينا
والسما فاردة دراعتها
للقلوب العاشقة ليلك
..
