**** تسمحيلي *****
******************
تسمحيلي اديكي قلبي
وفوقه حبة اهتمام
واوهبك روحي ومشاعري
بس زايدة كام جرام
بس ارجوكي اقبليهم
لاجل يبقى الكون تمام
تسمحيلي اعمل معاهدة
تبقى شاهدة ع الغرام
يبقى بند الحب فيها
بعد بند الاحترام
يعني اشوفك لما اشوفني
روح ف غاية الانسجام
واما تقسى الدنيا ساعة
اجري ف عيونك وانام
تبقي ليا ام وابقى
طفل عنده الف عام
مهما عابوا الناس وقالوا
هابقى رافض للفطام
تسمحيلي برغم طيبتي
اعشقك حرب وسلام
رغم كل هدوئي لكن
هابقى ثاير ع النظام
