بتشبهني لحد كبير . .ف نور الروح ، ف طيبة القلب . . و طيش الفكر و التكوين . . و ف الحكيات و ف الأزمات . . و إيمانها بثورتها و ف التغير . . بتشبهني لحد كبير . .و بقابلها كأن مرايا قدامي و ف عنيها بشوف نفسي و أسرارها لأبعد نقطة جوا البير . . بتشبهني لحد كبير . . و بحلم آه كتير جدا" و أخاف أصحي علي صورة متشبهاش . . و أخاف أرمي السلام مرة و متردش : صباح الخير . . بتشبهني لحد كبير . . بشوفها كمان سما صافية و أنا عصفور كسر قفصه و فيها بطير لآخر الكون بدن تفكير . . بتشبهني لحد كبير . . ف إيمانها بحرية جميع الخلق و حب الناس و صراحتها بدون تجريح ولا تزوير . . بتشبهني لحد كبير . .و ف عيونها أنا بأسكر و خمرتهم دي صنف خطييير . . و شفايفها بترميني ف بير " فودكا" و أنا ف الأصل واد سكير . . و أخاف جدا إذا خطفتها الحياة حبة ف زحمتها و من ضلمتها ف المشاوير. . و بغضب فوق حدود الحرب إذا قل النسيم أدبه علي رموشها و طرف عنها بدون تبرير . . بقولك إيه يا تاج الحسن يا واخده م الجمال " كله" : معانا حلمنا العالي و إخلاصنا و رب جميل و له تدابير . . بقولك يا عارفة إن الكلام ليكي يا ست الناس و م الآخر : ما تيجي نطير ؟؟؟
