ولسه النجوم ..
برغم الهموم ..
بتقدر تنور ضلام الليالي
شايلة في ثنايا القلوب نقطتين
نقطة امل ..
ونقطة حنين
شايفة اللي جاي
شموس راح تموت كل الضلام
وتزرعها ضي
ونقطة حنين .. للسنين اللي فاتت
ساعة لما كان القمر مش حزين
فرغم الكلام عن موت الاماني
بيفضل في وسط الاغاني
سطور من نور
بتمسح دموعنا
تطمن قلوبنا
تطبطب علينا
بلمسة حنان
ونقطة امل
بان اللي جاي في باقي الزمان
هايكتب رسالة تفرح عنينا
مفادها ببساطة
اكيد بكرا لينا