كان نفسى أحكيلك و أسمعك
رغم إنك بعيدة هناك
و أشاركك في بعض التفاصيل
لو بس مش ناوية علي فُراق
و أحكيلك علي يومى بالتفصيل
تتكلمى أبُصلك
عنيكى تضحك فألمحك
كان نفسى أحكيلك و أسمعك
عن حاجات كتير بتتغير
و ذكرياتى و أنا صغير
و أراجع معاكى شريط زمان
و أقولك كلام حلو لما ..
تدلعى ف تحسى بآمان
و أعيد أكتر في كلامى و أطول
و أضُمك ضمة تساوي ضلعك الأول
و أفرحك لما أبقى هادى
و أشدك ف إيدي و نُرقص ع الليلادي
و أشاركك في طبيخ البيت
عشان عارف إنك مش بتعرفى
أقولك الأكل جميل تسلم إيديكى ف تضحكي
و تبقى عارفه إنى بتريق و بريحك
كان نفسى أحكيلك و أسمعك
و أدخل عليكى ف مرة بهدية
تنبسطى وقتها من الفرحة
تفتحيها تلاقيها طرحة
تلبسيها و تبُصى في المرايا
تسألينى إيه رأيك ؟
أقولك حكاية
معرفش ليه و إزاى بودعك
كان نفسى أحكيلك و أسمعك
و أشيل الحُزن عنك لو فكر يجرحك
أقولك ما أنتى عارفه ماليش غيرك
تبُصى ف الأرض أعرف إنك مكسوفة
تسكُتى أرفع وشك بإيدي ..
ف تقولى محروجة
تقولى آيوة بحبك .. أقول بعودة
و أنا كمان حبيتك علي فكرة
بكتبلك و قلبى بيعيط بحُرقة
عشان مع الآسف مش عارف أرجعك
كان نفسى أحكيلك و أسمعك !
