إسلام دهشان
بسم الإله .. كان مفتتح
يعبر مع الليل الهوى
بسم الإله اللي فتح
ف الشعر بابك للهوا
..
اكتب تناص قبل اما تبدأ حضرتك
والشعر عازف ع الميزان
اكتب كمان ..!!
" جود " ورتل " ف الحروف
ابعد لخوف كان من الإله
كل الظروف ..حكمت عليك
تبقى انت خالف للحياه
..
متكمليش :
يا نفس ف الشعر ال " مفيش "
متعلميش :
اكتر في حبي لمعصيه
كل النفوس كانت ضيا
ل شيطان غريب ..
ينده ف ودنك تبقى عاصي " للملك "
افهم عشانك يعني ايه حب الإله
قرآن ومبعوتلك نجاه ..
انجيل مقدس كان ل " عيسى "
فيه حياه ..
" توراة " ل عبد الله " موسى "
مختومه كل حياتنا حتما بالهدى
قرآن فدا .. الكون بختم الانبيا
" صلوا على احمد " سوا
..
استشهاد (1)... "قال تعالى :
" وما ينطق عن الهوى * إن هو إلا وحي يوحى " النجم .
....
عظمة إلاهك معجزة
قرآن بينزل وقت علم من العرب
كان البليغ منهم قوي
كانت لغتهم تحتوي
كل المجاز.
الشعر كان زي الشجر
يطرح معالم للغه
..
استشهاد ..(2) .. قال تعالى :
" وما هو بقول شاعر قليلا ما تؤمنون "
" الحاقة ".
...
ف اكتب تناص
اليوم خلاص
زادت خيابة جهلكم
كل العبيد للشهره كانوا ف صفكم
وانطق ب شعرك ف الميدان
اصل الادب
لساه كمان
بيحب منك .. جزمتك
طب ما انت لسه ف غربتك
عيل قوي.
وعملت ايه يابن الكلام
الا السلام
بعد الصلاة
كن يا رفيقي ضل هايف ف الساحات
او تبقى هاتف بالممات
حبة فضول
العظمة في الاخلاص تجول
كل الحارات
اكتب كمان
لجل اما توصل بالجدل
كل العمل منك خجل
دابت نعول المجرمين
على شعرهم
طالعين ل سلم مفترق
مسكوا الورق
خطت خطاهم بس كانت بين سطور
ابعد عن ال " قرآن " وغور
اكتب ف شرع الملحدين
إن كان في شرع
تشريع بينطق بالشراكه لكون إلاه
او وحدانية لا وجود
عدي الحدود
خلي القلم ينطق ردود
عامت مع الظلم ف كفن
كل الكلام منك " رصاص "
اكتب تناص
