وليد الأسيوطي
اعراض انسحابك من دمي ...
الليل ، والنيل ، والشوق والويل ، وغنا المواويل!
(1) الليل !
الليل في البداية كان غبي !
رافض يروَّح م البلاد ،
دلوقتي شكله بيبتدي
يسيبه من دور العناد
و انا كنت ويّا الليل يوماتي
ساند على كف القمر
رابط نجومه في امنياتي
داعي الى رب البشر
ينصر قليبي المستتر
جوا الضلوع المنهَكة
كانت يارب في جوف حياتي
زي الخطيئة المهلِكة ،
فاغسلني بالماء و البَرَد
و ابعد ما بيني و بين خطيئتي
انت المجيب لمن شكى
