إسلام دهشان
اقلام خشب ....
وسطور تاريخ / واعواد شجر
الارض بور شبه الحجر !
لون السما : بهتان اوي
لون الطيور : كان منطوي
لون القدر / العلم غيب
لون الحيطان : ابيض كئيب
لون الوطن : كان " قوس قزح "
وسؤالنا كان : طارح " بلح " !!
فين الوطن ؟
اسياد بتركب ع العبيد !
وبدون كمان دعوة " فرح "
ممدود وريد اللي انجرح
شفطوا الدما / عاشوا انما
لساك بتطرح يا وطن ! !
...
عزف
اوتار كمان مش مشدودين
...
خوف
مهزوز بيرعش ف الجبان
...
ليل
خايف يبان
..
العزف خوف ف الليل اوي
اوتار كمان مش مشدودين
مهزوز بيرعش ف الجبان
خايف يبان !!
ليكون قلم .. زي اللي كاتبين الخطاب
ف سطور تاريخ عشقت عذاب / اعواد شجر .. !!
...
قضاء :
اكيد شامخ وصدقنا
حكومة :
تميل ل اعداءنا
وتكره فينا بالفطره
ياريت العدل بالقطره
ف " والله " هنستنى ..
اكيد يعني يا ست " الذل "
اكيد مش ارضك الجنه ،
